കേന്ദ്ര സർക്കാരിന് കീഴിലുള്ള കാബിനറ്റ് സെക്രട്ടേറിയറ്റിൽ ഡെപ്യൂട്ടി ഫീൽഡ് ഓഫീസർ (ടെക്നിക്കൽ) തസ്തികയിൽ നിയമനത്തിന് അപേക്ഷ ക്ഷണിച്ചു. എൻജിനീയറിങ്, സയൻസ് വിഷയങ്ങളിൽ ബിരുദാനന്തര ബിരുദം നേടിയവർക്ക് അപേക്ഷിക്കാം. ആകെ 250 ഒഴിവുകളാണുള്ളത്. സാധുവായ ഗേറ്റ് (GATE) സ്കോർ നിർബന്ധമാണ്. അപേക്ഷകൾ സമർപ്പിക്കേണ്ട അവസാന തീയതി നവംബർ 15.

ഒഴിവുകൾ

വിവിധ വിഷയങ്ങളിലായാണ് നിയമനം. ഒഴിവുകളുടെ എണ്ണം ചുവടെ:

വിഷയം	ഒഴിവുകൾ
കംപ്യൂട്ടർ സയൻസ് / ഇൻഫർമേഷൻ ടെക്നോളജി	112
ഇലക്ട്രോണിക്സ് / കമ്മ്യൂണിക്കേഷൻ / ടെലികമ്മ്യൂണിക്കേഷൻ	112
ഡാറ്റ സയൻസ് / ആർട്ടിഫിഷ്യൽ ഇന്റലിജൻസ്	10
ഫിസിക്സ്	5
മെക്കാനിക്കൽ എൻജിനീയറിങ്	4
സിവിൽ എൻജിനീയറിങ്	3
കെമിസ്ട്രി	2
മാത്തമാറ്റിക്സ്	1
സ്റ്റാറ്റിസ്റ്റിക്സ്	1
ആകെ	250

യോഗ്യത

അംഗീകൃത സർവകലാശാലയിൽനിന്ന് വിജ്ഞാപനത്തിൽ പരാമർശിച്ച വിഷയങ്ങളിൽ എൻജിനീയറിങ് അല്ലെങ്കിൽ ടെക്നോളജിയിൽ ബിഇ/ബി.ടെക് ബിരുദമോ സയൻസിൽ എംഎസ്‌സി ബിരുദാനന്തര ബിരുദമോ നേടിയിരിക്കണം.

അപേക്ഷിക്കുന്ന വിഷയത്തിന് അനുയോജ്യമായ ഗേറ്റ് പരീക്ഷയിൽ യോഗ്യത നേടിയ സാധുവായ സ്കോർ കാർഡും നിർബന്ധമാണ്. 2024, 2025, 2026 വർഷങ്ങളിൽ നടന്ന ഗേറ്റ് പരീക്ഷകളിൽ വിജ്ഞാപനത്തിൽ പറയുന്ന വിഷയങ്ങളിൽ യോഗ്യത നേടിയവർക്ക് അപേക്ഷിക്കാം.

ഒരു ഉദ്യോഗാർഥിക്ക് ഒരു വിഷയത്തിലേക്ക് മാത്രമേ അപേക്ഷ സമർപ്പിക്കാനാകൂ.

പ്രായപരിധി

അപേക്ഷകർക്ക് 30 വയസ്സ് കവിയരുത്. പട്ടികജാതി, പട്ടികവർഗം, ഒബിസി, കേന്ദ്ര സർക്കാർ ജീവനക്കാർ, വിമുക്തഭടന്മാർ തുടങ്ങിയ അർഹരായ വിഭാഗങ്ങൾക്ക് കേന്ദ്ര സർക്കാർ ചട്ടങ്ങൾ അനുസരിച്ച് പ്രായപരിധിയിൽ ഇളവ് ലഭിക്കും.

ശമ്പളം

ഏഴാം ശമ്പള കമ്മിഷൻ പേ മാട്രിക്സിലെ ലെവൽ ഏഴ് പ്രകാരമാണ് ശമ്പളം. അലവൻസുകൾ ഉൾപ്പെടെ തുടക്കത്തിൽ പ്രതിമാസം ഏകദേശം ഒരു ലക്ഷം രൂപ ലഭിക്കുമെന്നാണ് വിജ്ഞാപനത്തിൽ വ്യക്തമാക്കുന്നത്.

എങ്ങനെ അപേക്ഷിക്കാം?

ഓഫ്‌ലൈൻ വഴിയാണ് അപേക്ഷ സമർപ്പിക്കേണ്ടത്. ഔദ്യോഗിക വിജ്ഞാപനത്തോടൊപ്പമുള്ള അപേക്ഷാ ഫോം എ4 പേപ്പറിൽ നിർദേശിച്ച മാതൃകയിൽ തയ്യാറാക്കി പൂരിപ്പിക്കണം. ആവശ്യമായ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ, സാധുവായ ഗേറ്റ് സ്കോർ കാർഡ്, മറ്റ് അനുബന്ധ രേഖകൾ എന്നിവ അപേക്ഷയോടൊപ്പം സമർപ്പിക്കണം.

പൂരിപ്പിച്ച അപേക്ഷ തപാൽ വഴി താഴെ പറയുന്ന വിലാസത്തിൽ അയയ്ക്കണം.

അപേക്ഷ അയക്കേണ്ട വിലാസം:

Post Bag No. 001 Lodhi Road Head Post Office New Delhi – 110003

അവസാന തീയതി: നവംബർ 15, 2026

വിശദമായ യോഗ്യതാ മാനദണ്ഡങ്ങൾ, അപേക്ഷാ ഫോം, മറ്റ് നിർദേശങ്ങൾ എന്നിവ അറിയാൻ കാബിനറ്റ് സെക്രട്ടേറിയറ്റിന്റെ ഔദ്യോഗിക വെബ്സൈറ്റ് സന്ദർശിക്കുക.

Official notification: https://cabsec.gov.in/more/vacancies/

English Summary

The Cabinet Secretariat under the Government of India has invited applications for 250 vacancies for the post of Deputy Field Officer (Technical). Candidates with BE/BTech degrees in relevant engineering or technology disciplines, or MSc degrees in specified science subjects, are eligible to apply. A valid GATE score from 2024, 2025 or 2026 in the relevant subject is mandatory.