ന്യൂഡൽഹി: സെപ്റ്റംബർ 2026ലെ സെൻട്രൽ ടീച്ചർ എലിജിബിലിറ്റി ടെസ്റ്റിന് (CTET) അപേക്ഷിക്കാനുള്ള സമയപരിധി സെപ്റ്റംബർ 1 വരെ നീട്ടി. നേരത്തെ ജൂൺ 10ന് അവസാനിച്ച അപേക്ഷാ നടപടിയാണ് അർഹരായവർക്ക് വീണ്ടും തുറന്നത്. ഇതിനകം അപേക്ഷ സമർപ്പിച്ചവർ വീണ്ടും രജിസ്റ്റർ ചെയ്യേണ്ടതില്ല.

സി.ബി.എസ്.ഇയുടെ പുതിയ അറിയിപ്പ് പ്രകാരം ഓഗസ്റ്റ് 25 മുതൽ സെപ്റ്റംബർ 1 വരെയാണ് പുനഃതുറന്ന അപേക്ഷാ ജാലകം. സുപ്രീംകോടതി നിർദേശപ്രകാരം ടി.ഇ.ടി യോഗ്യത നേടാൻ അർഹരായ അധ്യാപകർക്ക് മതിയായ അവസരം ഉറപ്പാക്കുന്നതിന്റെ ഭാഗമായാണ് നടപടി.

നേരത്തെ സെപ്റ്റംബർ 6ന് പരീക്ഷ നടത്താനായിരുന്നു തീരുമാനിച്ചിരുന്നത്. എന്നാൽ പരീക്ഷ മാറ്റിവച്ചതിനാൽ പുതിയ പരീക്ഷാ തീയതി സി.ബി.എസ്.ഇ ഉടൻ പ്രഖ്യാപിക്കും. അപേക്ഷകർ ഔദ്യോഗിക അറിയിപ്പുകൾക്കായി CTET വെബ്സൈറ്റ് പരിശോധിക്കണം.

അപേക്ഷകൾ ctet.nic.in വഴി ഓൺലൈനായി സമർപ്പിക്കാം.

English Summary:

The CBSE has reopened the CTET September 2026 application window until September 1 for eligible candidates who missed the earlier deadline. The examination, earlier scheduled for September 6, has been postponed and a revised date will be announced separately.