മൈസൂരുവിലെ കേന്ദ്ര സർക്കാർ സ്ഥാപനമായ സെൻട്രൽ ഫുഡ് ടെക്നോളജിക്കൽ റിസർച്ച് ഇൻസ്റ്റിറ്റ്യൂട്ടിൽ (CFTRI) ടെക്നീഷ്യൻ തസ്തികയിൽ നിയമനം നടത്തുന്നു. ഫിറ്റർ, ഇലക്ട്രോണിക്സ് മെക്കാനിക്, ഇലക്ട്രീഷ്യൻ, കംപ്യൂട്ടർ ഓപ്പറേറ്റർ തുടങ്ങി 13 ട്രേഡുകളിലായി 28 ഒഴിവുകളാണുള്ളത്. പത്താം ക്ലാസും ബന്ധപ്പെട്ട ട്രേഡിൽ ഐടിഐ യോഗ്യതയുമുള്ളവർക്ക് അപേക്ഷിക്കാം. നവംബർ 18 ആണ് ഓൺലൈൻ അപേക്ഷ സമർപ്പിക്കാനുള്ള അവസാന തീയതി.

ഒഴിവുകൾ

തസ്തിക	ഒഴിവുകൾ
ഫിറ്റർ	6
ഇലക്ട്രോണിക്സ് മെക്കാനിക്	7
ഇൻസ്ട്രുമെന്റ് മെക്കാനിക്	1
ലബോറട്ടറി അസിസ്റ്റന്റ് (കെമിക്കൽ പ്ലാന്റ്)	2
കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ് (COPA)	2
ഐ.സി.ടി സിസ്റ്റം മെയിന്റനൻസ്	1
റഫ്രിജറേഷൻ ആൻഡ് എയർ കണ്ടീഷനിങ് ടെക്നീഷ്യൻ	2
ഇലക്ട്രീഷ്യൻ	2
കാർപെന്റർ	1
പ്ലംബർ	1
ഷീറ്റ് മെറ്റൽ വർക്കർ	1
ടർണർ	1
വെൽഡർ	1
ആകെ	28

യോഗ്യത

സയൻസ് വിഷയങ്ങളോടെ പത്താം ക്ലാസ് വിജയിച്ച് കുറഞ്ഞത് 55 ശതമാനം മാർക്ക് നേടിയിരിക്കണം. ബന്ധപ്പെട്ട ട്രേഡിൽ ഐ.ടി.ഐ/ട്രേഡ് സർട്ടിഫിക്കറ്റും അംഗീകൃത സ്ഥാപനത്തിലെ രണ്ടുവർഷത്തെ അപ്രന്റീസ്ഷിപ്പ് പരിശീലനവും വേണം. അല്ലെങ്കിൽ മൂന്ന് വർഷത്തെ പ്രവൃത്തിപരിചയം ആവശ്യമാണ്. ഐ.ടി.ഐ സർട്ടിഫിക്കറ്റ് ഇല്ലാത്തവർക്കും വിജ്ഞാപനത്തിൽ നിർദേശിച്ചിട്ടുള്ള മറ്റ് യോഗ്യതകൾ പാലിക്കുന്നുണ്ടെങ്കിൽ അപേക്ഷിക്കാം.

പ്രായപരിധി

18 മുതൽ 28 വയസ്സ് വരെയാണ് പ്രായപരിധി. സംവരണ വിഭാഗങ്ങൾക്ക് നിയമാനുസൃതമായ പ്രായപരിധി ഇളവുകൾ ലഭിക്കും.

ശമ്പളം

19,900–63,200 രൂപയാണ് ശമ്പള സ്കെയിൽ. അലവൻസുകൾ ഉൾപ്പെടെ പ്രതിമാസം ഏകദേശം 37,260 രൂപ വേതനം ലഭിക്കുമെന്ന് വിജ്ഞാപനത്തിൽ വ്യക്തമാക്കുന്നു.

തിരഞ്ഞെടുപ്പ്

അപേക്ഷകളുടെ പരിശോധന, ട്രേഡ് ടെസ്റ്റ്, എഴുത്തുപരീക്ഷ എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്.

ഓൺലൈൻ അപേക്ഷയുടെ പ്രിന്റൗട്ടും ആവശ്യമായ രേഖകളും ഒപ്പിട്ട് സ്പീഡ് പോസ്റ്റ് അല്ലെങ്കിൽ രജിസ്റ്റേർഡ് പോസ്റ്റ് വഴി നവംബർ 26-നകം സ്ഥാപനത്തിൽ എത്തിക്കണം. ഹാർഡ് കോപ്പി സമർപ്പിക്കാത്ത അപേക്ഷകൾ നിരസിക്കപ്പെടും.

എങ്ങനെ അപേക്ഷിക്കാം?

വിശദമായ വിജ്ഞാപനത്തിനും അപേക്ഷ സമർപ്പിക്കുന്നതിനും CFTRI ഔദ്യോഗിക വിജ്ഞാപനം കാണുക.

Notification: https://www.cftri.res.in/ApplicationForm/0_02357700_1792207749.pdf

English Summary

The Central Food Technological Research Institute (CFTRI), Mysuru, has announced 28 Technician vacancies across 13 trades, including Fitter, Electronics Mechanic, Electrician and Computer Operator and Programming Assistant. Candidates with Class 10 qualification and relevant ITI/trade certification, apprenticeship training or prescribed work experience can apply. The age limit is 18–28 years, with applicable relaxations for reserved categories.