മുംബൈയിലെ ഡയറക്ടറേറ്റ് ജനറൽ ഓഫ് മാരിടൈം അഡ്മിനിസ്ട്രേഷൻ (DGMA) മാനേജ്മെന്റ് സപ്പോർട്ട് അസോസിയേറ്റ് (MSA) തസ്തികയിൽ നിയമനത്തിന് അപേക്ഷ ക്ഷണിച്ചു. ആകെ 30 ഒഴിവുകളാണുള്ളത്. ഏതെങ്കിലും വിഷയത്തിൽ ബിരുദം നേടിയവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി നവംബർ 12.

പ്രധാന വിവരങ്ങൾ

സ്ഥാപനം: ഡയറക്ടറേറ്റ് ജനറൽ ഓഫ് മാരിടൈം അഡ്മിനിസ്ട്രേഷൻ (DGMA)
തസ്തിക: മാനേജ്മെന്റ് സപ്പോർട്ട് അസോസിയേറ്റ് (MSA)
ഒഴിവുകൾ: 30
യോഗ്യത: ഏതെങ്കിലും വിഷയത്തിൽ ബിരുദം
ശമ്പളം: പ്രതിമാസം 75,000 രൂപ
അപേക്ഷിക്കേണ്ട അവസാന തീയതി: നവംബർ 12
അപേക്ഷാ ഫീസ്: ഇല്ല
നിയമന രീതി: കരാർ അടിസ്ഥാനത്തിൽ

വിദ്യാഭ്യാസ യോഗ്യത

അംഗീകൃത സർവകലാശാലയിൽനിന്ന് ഏതെങ്കിലും വിഷയത്തിൽ ബിരുദം നേടിയവർക്ക് അപേക്ഷിക്കാം. എം.എസ്. ഓഫിസ്, സ്പ്രെഡ്ഷീറ്റുകൾ, ഡാറ്റാ എൻട്രി, ഇന്റർനെറ്റ്, ഇമെയിൽ എന്നിവയിൽ പ്രായോഗിക പരിജ്ഞാനവും ആവശ്യമാണ്.

കരാർ കാലാവധി

ആദ്യഘട്ടത്തിൽ ഒരു വർഷത്തേക്കാണ് നിയമനം. ഉദ്യോഗാർഥിയുടെ പ്രകടനത്തിന്റെ അടിസ്ഥാനത്തിൽ കരാർ കാലാവധി പരമാവധി മൂന്നു വർഷം വരെ നീട്ടാനാകും. പ്രതിമാസം 75,000 രൂപയാണ് ശമ്പളം.

തിരഞ്ഞെടുപ്പ് പ്രക്രിയ

കംപ്യൂട്ടർ അധിഷ്ഠിത പരീക്ഷ, ടൈപ്പിങ് ടെസ്റ്റ്, സർട്ടിഫിക്കറ്റ് പരിശോധന, അഭിമുഖം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്.

കംപ്യൂട്ടർ അധിഷ്ഠിത പരീക്ഷയ്ക്ക് 90 മിനിറ്റ് ദൈർഘ്യമുണ്ടാകും. 100 ചോദ്യങ്ങളുള്ള പരീക്ഷയ്ക്ക് ആകെ 200 മാർക്കാണ്. ടൈപ്പിങ് ടെസ്റ്റിൽ ഇംഗ്ലീഷിൽ മിനിറ്റിൽ 35 വാക്കുകൾ ടൈപ്പ് ചെയ്യാനുള്ള വേഗം ഉണ്ടായിരിക്കണം. തുടർന്നാണ് സർട്ടിഫിക്കറ്റ് പരിശോധനയും അഭിമുഖവും.

അപേക്ഷിക്കേണ്ട വിധം

താൽപര്യമുള്ള ഉദ്യോഗാർഥികൾ DGMA-യുടെ ഔദ്യോഗിക പോർട്ടൽ വഴി ഓൺലൈനായി അപേക്ഷിക്കണം. പരീക്ഷാകേന്ദ്രങ്ങൾ ഗ്രേറ്റർ മുംബൈ, താനെ, നവി മുംബൈ മേഖലകളിലായിരിക്കും.

അപേക്ഷ സമർപ്പിക്കുന്നതിനുമുമ്പ് ഔദ്യോഗിക വിജ്ഞാപനം പരിശോധിച്ച് യോഗ്യത, തിരഞ്ഞെടുപ്പ് നടപടികൾ, മറ്റ് നിബന്ധനകൾ എന്നിവ ഉറപ്പാക്കുക.

Link: https://dgma.gov.in/download/1792574135_6ad882b70941b_recruitment-notice-for-management-support-associat-msu-on-contractual-basis-in-the-directorate-and-its-allied-offices-in-mumbai.pdf

English Summary

The Directorate General of Maritime Administration (DGMA), Mumbai, has invited applications for 30 Management Support Associate (MSA) vacancies. Candidates with a bachelor's degree in any discipline are eligible to apply. Applicants should also have practical knowledge of MS Office, spreadsheets, data entry, internet usage and email.