ഗുരുവായൂർ ക്ഷേത്രത്തിലും ദേവസ്വത്തിന് കീഴിലുള്ള അനുബന്ധ സ്ഥാപനങ്ങളിലും സുരക്ഷാ ചുമതല നിർവഹിക്കുന്നതിന് സെക്യൂരിറ്റി ഗാർഡ് തസ്തികയിൽ നിയമനം നടത്തുന്നു. ആകെ 19 ഒഴിവുകളാണുള്ളത്. അഭിമുഖം വഴിയാണ് നിയമനം. യോഗ്യരായ വിമുക്തഭടന്മാർക്ക് അപേക്ഷിക്കാം.

പ്രധാന വിവരങ്ങൾ

സ്ഥാപനം: ഗുരുവായൂർ ദേവസ്വം
തസ്തിക: സെക്യൂരിറ്റി ഗാർഡ്
ഒഴിവുകൾ: 19
ശമ്പളം: പ്രതിമാസം ₹21,700
പ്രായപരിധി: 40–60 വയസ്
നിയമനരീതി: അഭിമുഖം

യോഗ്യതകൾ

കരസേന, നാവികസേന, വ്യോമസേന, ബിഎസ്എഫ്, സിഐഎസ്എഫ്, ഐടിബിപി, സിആർപിഎഫ്, അസം റൈഫിൾസ്, ജിആർഇഎഫ് തുടങ്ങിയ സൈനിക, അർധസൈനിക വിഭാഗങ്ങളിൽനിന്ന് വിരമിച്ച വിമുക്തഭടന്മാർക്കാണ് അവസരം.

ശാരീരികക്ഷമതയും നല്ല കാഴ്ചശക്തിയും ഉണ്ടായിരിക്കണം. ഹിന്ദു പുരുഷന്മാർക്കാണ് വിജ്ഞാപനപ്രകാരം അപേക്ഷിക്കാനാവുക.

1966 ജനുവരി 1നും 1986 ജനുവരി 2നും ഇടയിൽ ജനിച്ചവരായിരിക്കണം. പ്രായപരിധി കണക്കാക്കുന്നതിനുള്ള മറ്റ് വ്യവസ്ഥകൾ ഔദ്യോഗിക വിജ്ഞാപനവുമായി ഒത്തുനോക്കണം.

നിയമന കാലാവധി

നിയമന ഉത്തരവിന്റെ തീയതി മുതൽ 2027 ഏപ്രിൽ 30 വരെയാണ് നിയമന കാലാവധി. യോഗ്യരെന്ന് കണ്ടെത്തുന്നവരെ ഗുരുവായൂർ ദേവസ്വം ഭരണസമിതിയുടെ തീരുമാനത്തിന് വിധേയമായി പുനർനിയമനത്തിന് പരിഗണിക്കും.

ഹാജരാകേണ്ട രേഖകൾ

വയസ്, യോഗ്യത, ജാതി, മുൻപരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകളും ഡിസ്ചാർജ് സർട്ടിഫിക്കറ്റിന്റെ പകർപ്പും ഹാജരാക്കണം.

സർട്ടിഫിക്കറ്റ് പരിശോധന

യോഗ്യരായ ഉദ്യോഗാർഥികൾ ആവശ്യമായ രേഖകളുമായി 2026 ഒക്ടോബർ 27ന് രാവിലെ 9 മണിക്ക് ഗുരുവായൂർ ദേവസ്വം ഓഫീസിൽ സർട്ടിഫിക്കറ്റ് പരിശോധനയ്ക്കായി ഹാജരാകണം.

കൂടുതൽ വിവരങ്ങൾക്ക് ഗുരുവായൂർ ദേവസ്വം ഓഫീസുമായി നേരിട്ട് ബന്ധപ്പെടാം. ഫോൺ: 0487-2556335 (എക്സ്റ്റൻഷൻ 251, 248, 235).

English Summary

Guruvayur Devaswom has announced recruitment for 19 Security Guard vacancies to provide security at Guruvayur Temple and its associated institutions. The posts are open to eligible Hindu male ex-servicemen from the armed and specified paramilitary forces. Applicants must be aged 40–60, physically fit and have good eyesight.