കൊച്ചി: കൊച്ചി മെട്രോ റെയിൽ ലിമിറ്റഡിൽ (KMRL) വിവിധ വിഭാഗങ്ങളിലായി 70 അപ്രന്റീസ് ഒഴിവുകളിലേക്ക് അപേക്ഷ ക്ഷണിച്ചു. ഐ.ടി.ഐ, ഡിപ്ലോമ, ബി.ബി.എ, ബി.കോം, ബി.ടെക് യോഗ്യതയുള്ളവർക്ക് അപേക്ഷിക്കാം. ഒരു വർഷമാണ് പരിശീലന കാലാവധി. അപേക്ഷകൾ സമർപ്പിക്കേണ്ട അവസാന തീയതി നവംബർ 10.

ഒഴിവുകളുടെ വിശദാംശങ്ങൾ

1. ഗ്രാജുവേറ്റ് അപ്രന്റീസ് – ടെക്നിക്കൽ

ഒഴിവുകൾ: 16

അപേക്ഷിക്കാവുന്ന കോഴ്സുകൾ:

സിവിൽ എൻജിനീയറിങ്
ഇലക്ട്രിക്കൽ എൻജിനീയറിങ്
ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ
മെക്കാനിക്കൽ എൻജിനീയറിങ്
ഐ.ടി/കംപ്യൂട്ടർ സയൻസ്

2. ഗ്രാജുവേറ്റ് അപ്രന്റീസ് – നോൺ ടെക്നിക്കൽ

ഒഴിവുകൾ: 6

അപേക്ഷിക്കാവുന്ന കോഴ്സുകൾ:

ബി.ബി.എ
ബി.കോം
ബി.സി.എ

3. ഡിപ്ലോമ ടെക്നീഷ്യൻ അപ്രന്റീസ്

ഒഴിവുകൾ: 28

അപേക്ഷിക്കാവുന്ന കോഴ്സുകൾ:

ഡിപ്ലോമ ഇൻ സിവിൽ എൻജിനീയറിങ്
ഡിപ്ലോമ ഇൻ ഇലക്ട്രിക്കൽ എൻജിനീയറിങ്
ഡിപ്ലോമ ഇൻ മെക്കാനിക്കൽ എൻജിനീയറിങ്
ഡിപ്ലോമ ഇൻ ഇലക്ട്രോണിക്സ് എൻജിനീയറിങ്
ഡിപ്ലോമ ഇൻ കംപ്യൂട്ടർ സയൻസ്

4. ട്രേഡ് അപ്രന്റീസ് (ഐ.ടി.ഐ)

ഒഴിവുകൾ: 20

അപേക്ഷിക്കാവുന്ന ട്രേഡുകൾ:

ഇലക്ട്രീഷ്യൻ
ഇലക്ട്രോണിക്സ്
വെൽഡർ
ഫിറ്റർ
പ്ലംബർ

യോഗ്യതാ മാനദണ്ഡങ്ങൾ

അംഗീകൃത സ്ഥാപനങ്ങളിൽ റഗുലർ കോഴ്സായി പഠനം പൂർത്തിയാക്കിയവരായിരിക്കണം.
അവസാന പരീക്ഷാഫലം പ്രസിദ്ധീകരിച്ച് അഞ്ച് വർഷത്തിനുള്ളിലുള്ളവർക്കാണ് അപേക്ഷിക്കാനാകുക.
അപേക്ഷകർക്ക് കുറഞ്ഞത് 18 വയസ്സ് പ്രായമുണ്ടായിരിക്കണം.
മുൻപ് അപ്രന്റീസ്ഷിപ്പ് പരിശീലനം നേടിയവർക്ക് അപേക്ഷിക്കാനാവില്ല.

എങ്ങനെ അപേക്ഷിക്കാം?

ഐ.ടി.ഐ യോഗ്യതയുള്ളവർ നാഷനൽ അപ്രന്റീസ്ഷിപ്പ് പ്രമോഷൻ സ്കീമിന്റെ (NAPS) ഔദ്യോഗിക പോർട്ടലിൽ രജിസ്റ്റർ ചെയ്യണം. ഡിഗ്രി, ഡിപ്ലോമ യോഗ്യതയുള്ളവർ നാഷനൽ അപ്രന്റീസ്ഷിപ്പ് ട്രെയിനിങ് സ്കീമിന്റെ (NATS) പോർട്ടലിൽ രജിസ്റ്റർ ചെയ്യണം.

രജിസ്ട്രേഷൻ നമ്പർ ലഭിച്ചശേഷം വിജ്ഞാപനത്തോടൊപ്പമുള്ള ബയോഡാറ്റ ഫോം പൂരിപ്പിച്ച് ആവശ്യമായ രേഖകൾ സഹിതം താഴെ പറയുന്ന വിലാസത്തിലേക്ക് അയക്കണം.

വിലാസം:

General Manager (HR, ADMN & TRG)
Kochi Metro Rail Ltd., Corporate Office, 4th Floor,
JLN Stadium Metro Station, Kaloor,
Kochi, Kerala – 682017.

തിരഞ്ഞെടുപ്പ് നടപടികൾ

എഴുത്തുപരീക്ഷയോ അഭിമുഖമോ ഉണ്ടായിരിക്കില്ല. അപേക്ഷകളുടെ അടിസ്ഥാനത്തിൽ തയ്യാറാക്കുന്ന ഷോർട്ട്‌ലിസ്റ്റ് വഴിയാണ് തിരഞ്ഞെടുപ്പ് നടത്തുക.

അവസാന തീയതി: നവംബർ 10

വിശദമായ വിവരങ്ങൾക്കും അപേക്ഷാ നിബന്ധനകൾക്കും കെ.എം.ആർ.എല്ലിന്റെ ഔദ്യോഗിക വിജ്ഞാപനം പരിശോധിക്കുക.

English Summary

Kochi Metro Rail Limited (KMRL) has invited applications for 70 apprenticeship vacancies across technical graduate, non-technical graduate, diploma technician and ITI trade categories. Eligible candidates with ITI, diploma, BBA, BCom, BCA and relevant engineering qualifications can apply. The apprenticeship training period is one year. Applicants must have completed their courses through regular study, be at least 18 years old and have their final examination results declared within the last five years.