തിരുവനന്തപുരം: സർക്കാർ, എയ്ഡഡ്, സി.ബി.എസ്.ഇ, ഐ.സി.എസ്.ഇ സ്കൂളുകളിൽ 9, 10 ക്ലാസുകളിൽ പഠിക്കുന്ന ഭിന്നശേഷി വിദ്യാർഥികൾക്കുള്ള പ്രീ-മെട്രിക് സ്കോളർഷിപ്പിന് അപേക്ഷിക്കാം. ഫ്രഷ്, റിന്യൂവൽ അപേക്ഷകളാണ് ക്ഷണിച്ചത്.

കുറഞ്ഞത് 40 ശതമാനം ഭിന്നശേഷിയുണ്ടെന്ന് തെളിയിക്കുന്ന മെഡിക്കൽ ബോർഡ് സർട്ടിഫിക്കറ്റ് ആവശ്യമാണ്. കുടുംബ വാർഷിക വരുമാനം 2.5 ലക്ഷം രൂപയിൽ താഴെയായിരിക്കണം. ഒരു കുടുംബത്തിലെ പരമാവധി രണ്ട് വിദ്യാർഥികൾക്ക് അപേക്ഷിക്കാം.

നാഷനൽ സ്കോളർഷിപ്പ് പോർട്ടൽ വഴി അപേക്ഷിക്കുന്നതിന് യു.ഡി.ഐ.ഡി (Unique Disability Identity Card) നിർബന്ധമാണ്. അപേക്ഷ https://scholarships.gov.in/ വഴി ഓൺലൈനായി സമർപ്പിക്കണം. ഓഗസ്റ്റ് 31 ആണ് അവസാന തീയതി.

അപേക്ഷിച്ച ശേഷം പ്രിന്റൗട്ട് പഠിക്കുന്ന സ്ഥാപനത്തിൽ സമർപ്പിക്കണം. അപേക്ഷയോടൊപ്പം ആധാർ കാർഡ്, മെഡിക്കൽ ബോർഡ് സർട്ടിഫിക്കറ്റ്, വരുമാന സർട്ടിഫിക്കറ്റ്, മുൻവർഷത്തെ മാർക്ക് ലിസ്റ്റ്, ഫീസ് രസീത്, യു.ഡി.ഐ.ഡി കാർഡ് എന്നിവ ആവശ്യമാണ്.

English Summary:

Applications are invited for the Pre-Matric Scholarship for Students with Disabilities for students studying in Classes 9 and 10 in government, aided, CBSE and ICSE schools. Applicants must have at least 40% disability, a family income below ₹2.5 lakh, and a valid UDID card; applications can be submitted through the National Scholarship Portal until August 31, 2026.