തിരുവനന്തപുരം: റീജിയണൽ കാൻസർ സെന്ററിൽ (RCC) അസിസ്റ്റന്റ് പ്രൊഫസർ തസ്തികകളിലേക്ക് അപേക്ഷ ക്ഷണിച്ചു. ആകെ ആറ് ഒഴിവുകളാണുള്ളത്. യോഗ്യരായ ഉദ്യോഗാർഥികൾക്ക് പ്രതിമാസം 1,01,500 രൂപ മുതൽ 1,67,400 രൂപ വരെ ശമ്പള സ്കെയിലിൽ നിയമനം നേടാം. അപേക്ഷകൾ നവംബർ 6 വരെ സമർപ്പിക്കാം.

ഒഴിവുകളും യോഗ്യതകളും

വിവിധ മെഡിക്കൽ സ്പെഷ്യാലിറ്റികളിലായാണ് ഒഴിവുകൾ റിപ്പോർട്ട് ചെയ്തിരിക്കുന്നത്.

സർജിക്കൽ ഓങ്കോളജി: ഒരു ഒഴിവ്. MCh/DrNB/DNB യോഗ്യത വേണം.
മെഡിക്കൽ ഓങ്കോളജി: രണ്ട് ഒഴിവുകൾ. DM/DrNB/DNB യോഗ്യത ആവശ്യമാണ്.
റേഡിയോ ഡയഗ്നോസിസ്: രണ്ട് ഒഴിവുകൾ. MD/DNB യോഗ്യതയും ഒരു വർഷത്തെ സീനിയർ റസിഡന്റ് പ്രവൃത്തിപരിചയവും വേണം.
റേഡിയേഷൻ ഓങ്കോളജി: ഒരു ഒഴിവ്. MD/DNB യോഗ്യതയും ഒരു വർഷത്തെ സീനിയർ റസിഡന്റ് പ്രവൃത്തിപരിചയവും നിർബന്ധമാണ്.

ഇന്ത്യൻ മെഡിക്കൽ കൗൺസിൽ ചട്ടങ്ങൾ പ്രകാരമുള്ള അടിസ്ഥാന മെഡിക്കൽ യോഗ്യതയും ഉദ്യോഗാർഥികൾക്ക് ഉണ്ടായിരിക്കണം.

പ്രായപരിധിയും അപേക്ഷാ ഫീസും

അപേക്ഷിക്കാനുള്ള പരമാവധി പ്രായപരിധി 45 വയസ്സാണ്. പട്ടികജാതി, പട്ടികവർഗ, ഒബിസി വിഭാഗങ്ങളിലുള്ളവർക്ക് നിയമപ്രകാരമുള്ള പ്രായപരിധി ഇളവുകൾ ലഭിക്കും.

പൊതുവിഭാഗം: 2,500 രൂപ
എസ്‌സി/എസ്‌ടി വിഭാഗം: 1,000 രൂപ

എങ്ങനെ അപേക്ഷിക്കാം?

ആർ.സി.സിയുടെ ഔദ്യോഗിക വെബ്സൈറ്റായ www.rcctvm.gov.inൽനിന്ന് അപേക്ഷാഫോം ഡൗൺലോഡ് ചെയ്ത് പൂരിപ്പിക്കണം. പ്രായം, ജാതി, വിദ്യാഭ്യാസ യോഗ്യത, പ്രവൃത്തിപരിചയം, മെഡിക്കൽ കൗൺസിൽ രജിസ്ട്രേഷൻ എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ രേഖകളുടെ പകർപ്പുകൾ അപേക്ഷയോടൊപ്പം സമർപ്പിക്കണം. അപേക്ഷാ ഫീസിനുള്ള ഡിമാൻഡ് ഡ്രാഫ്റ്റും ഉൾപ്പെടുത്തണം.

'Director, Regional Cancer Centre' എന്ന പേരിൽ തിരുവനന്തപുരം എസ്.ബി.ഐ മെഡിക്കൽ കോളജ് ബ്രാഞ്ചിൽ മാറാവുന്ന രീതിയിലാണ് ഡിമാൻഡ് ഡ്രാഫ്റ്റ് എടുക്കേണ്ടത്.

പൂരിപ്പിച്ച അപേക്ഷ സ്പീഡ് പോസ്റ്റ് വഴി താഴെപ്പറയുന്ന വിലാസത്തിൽ അയക്കണം:

ഡയറക്ടർ,

റീജിയണൽ കാൻസർ സെന്റർ,

മെഡിക്കൽ കോളേജ് പി.ഒ., പോസ്റ്റ് ബോക്സ് നമ്പർ 2417,

തിരുവനന്തപുരം, കേരളം – 695011.

അപേക്ഷിക്കേണ്ട അവസാന തീയതി: നവംബർ 6, 2026

വിശദമായ യോഗ്യതാ മാനദണ്ഡങ്ങൾക്കും അപേക്ഷാ നടപടികൾക്കും ഔദ്യോഗിക വിജ്ഞാപനം പരിശോധിക്കുക.

English Summary

The Regional Cancer Centre (RCC), Thiruvananthapuram, has invited applications for six Assistant Professor vacancies across four medical specialities: Surgical Oncology, Medical Oncology, Radio Diagnosis and Radiation Oncology. The pay scale ranges from ₹1,01,500 to ₹1,67,400 per month.

Candidates must possess the relevant postgraduate or super-speciality qualifications. Applicants for Radio Diagnosis and Radiation Oncology must also have one year of Senior Resident experience. The maximum age limit is 45 years, with applicable relaxations for reserved categories. The application fee is ₹2,500 for general candidates and ₹1,000 for SC/ST candidates.