കൊച്ചി: കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) വിവിധ വകുപ്പുകളിലെ പി.ജി., ഇന്റഗ്രേറ്റഡ്, പ്രൊഫഷണൽ കോഴ്‌സുകളിലേക്കുള്ള റിയൽ ടൈം/സ്പോട്ട് അഡ്മിഷൻ പ്രഖ്യാപിച്ചു. ഒഴിവുള്ള സീറ്റുകളിലേക്കാണ് അഡ്മിഷൻ നടത്തുന്നത്. യോഗ്യതയുള്ള വിദ്യാർഥികൾ ആവശ്യമായ രേഖകളുമായി നിശ്ചിത തീയതിയിലും സമയത്തും ബന്ധപ്പെട്ട വകുപ്പുകളിൽ നേരിട്ട് ഹാജരാകണം.

കെമിക്കൽ ഓഷ്യാനോഗ്രഫി വകുപ്പ്
എം.എസ്.സി ഹൈഡ്രോകെമിസ്ട്രി പ്രോഗ്രാമിലേക്കുള്ള റിയൽ ടൈം അഡ്മിഷൻ ജൂലൈ 10-ന് രാവിലെ 10 മണിക്ക് കുസാറ്റ് ലേക്‌സൈഡ് ക്യാമ്പസിൽ നടക്കും.

കമ്പ്യൂട്ടർ സയൻസ് വകുപ്പ്
പഞ്ചവത്സര ഇന്റഗ്രേറ്റഡ് എം.എസ്.സി ഇൻ കമ്പ്യൂട്ടർ സയൻസ് (ആർട്ടിഫിഷ്യൽ ഇന്റലിജൻസ് ആൻഡ് ഡാറ്റാ സയൻസ്) പ്രോഗ്രാമിലേക്കുള്ള റിയൽ ടൈം അഡ്മിഷൻ ജൂലൈ 13-ന് രാവിലെ 10 മണിക്ക് കമ്പ്യൂട്ടർ സയൻസ് വകുപ്പിൽ നടക്കും.

ഫിസിക്സ് വകുപ്പ്
എം.എസ്.സി ഫിസിക്സ് പ്രോഗ്രാമിലേക്കുള്ള റിയൽ ടൈം അഡ്മിഷൻ ജൂലൈ 13-ന് രാവിലെ 10 മണിക്ക് ഫിസിക്സ് വകുപ്പിൽ നടക്കും.

ദീൻ ദയാൽ ഉപാധ്യായ കൗശൽ കേന്ദ്ര (DDUKK)
എം.വോക് ബാങ്കിങ് ആൻഡ് ഫിനാൻസ് പ്രോഗ്രാമിലേക്കുള്ള റിയൽ ടൈം അഡ്മിഷൻ ജൂലൈ 10-ന് രാവിലെ 9 മണിക്ക് ഡി.ഡി.യു.കെ.കെ.യിൽ നടക്കും.

സ്കൂൾ ഓഫ് മാനേജ്മെന്റ് സ്റ്റഡീസ്
എം.ബി.എ., എം.ബി.എ (ഇവനിംഗ്/IDMPM) പ്രോഗ്രാമുകളിലേക്കുള്ള സ്പോട്ട് അഡ്മിഷൻ ജൂലൈ 13-ന് രാവിലെ 9 മണിക്ക് സ്കൂൾ ഓഫ് മാനേജ്മെന്റ് സ്റ്റഡീസിൽ നടക്കും.

അഡ്മിഷൻ നടപടിക്രമം, യോഗ്യത, ആവശ്യമായ രേഖകൾ എന്നിവ സംബന്ധിച്ച വിശദവിവരങ്ങൾ സർവകലാശാലയുടെ പ്രവേശന പോർട്ടലായ admissions.cusat.ac.in-ൽ ലഭ്യമാണ്. കമ്പ്യൂട്ടർ സയൻസ് വിഭാഗവുമായി ബന്ധപ്പെട്ട കൂടുതൽ വിവരങ്ങൾക്ക് dcs.cusat.ac.in സന്ദർശിക്കാം.

ബന്ധപ്പെടാൻ:

കെമിക്കൽ ഓഷ്യാനോഗ്രഫി: 0484-2863403, 8281256045
കമ്പ്യൂട്ടർ സയൻസ്: 0484-2862301
ഫിസിക്സ്: 0484-2577404, 0484-2862441
ഡി.ഡി.യു.കെ.കെ.: 0484-2862839
സ്കൂൾ ഓഫ് മാനേജ്മെന്റ് സ്റ്റഡീസ്: 0484-2575310, 9495995096