പൊതുമേഖലാ ബാങ്കായ യുകോ ബാങ്കിൽ അപ്രന്റിസ് തസ്തികയിലേക്ക് അപേക്ഷ ക്ഷണിച്ചു. ആകെ 530 ഒഴിവുകളിലേക്കാണ് നിയമനം നടത്തുന്നത്. കേരളത്തിലും അവസരമുണ്ട്. അംഗീകൃത സർവകലാശാലയിൽനിന്ന് ബിരുദം നേടിയവർക്ക് അപേക്ഷിക്കാം. താൽപര്യമുള്ളവർക്ക് ഒക്ടോബർ 29 വരെ ഓൺലൈനായി അപേക്ഷ സമർപ്പിക്കാം.

യോഗ്യത

അംഗീകൃത സർവകലാശാലയിൽനിന്ന് ബിരുദം നേടിയിരിക്കണം. അപേക്ഷിക്കുന്ന സംസ്ഥാനത്തെ പ്രാദേശിക ഭാഷ വായിക്കാനും എഴുതാനും സംസാരിക്കാനും മനസ്സിലാക്കാനും അറിഞ്ഞിരിക്കണം. പത്താം ക്ലാസ് അല്ലെങ്കിൽ പ്ലസ് ടു പഠനകാലത്ത് അതത് ഭാഷ പഠിച്ചതിന്റെ തെളിവ് ഹാജരാക്കുന്നവർക്ക് ഭാഷാ പരീക്ഷയിൽനിന്ന് ഇളവ് ലഭിക്കും.

മുമ്പ് യുകോ ബാങ്കിലോ മറ്റേതെങ്കിലും സ്ഥാപനത്തിലോ അപ്രന്റിസ്ഷിപ്പ് പൂർത്തിയാക്കിയവർക്കും നിലവിൽ അപ്രന്റിസ്ഷിപ്പ് ചെയ്യുന്നവർക്കും അപേക്ഷിക്കാൻ അർഹതയില്ല.

പ്രായപരിധി

അപേക്ഷകർക്ക് കുറഞ്ഞത് 20 വയസ്സ് പൂർത്തിയായിരിക്കണം. ജനറൽ, ഇഡബ്ല്യുഎസ് വിഭാഗക്കാർക്ക് പരമാവധി പ്രായപരിധി 28 വയസ്സാണ്. സംവരണ വിഭാഗങ്ങളിലുള്ളവർക്ക് സർക്കാർ ചട്ടങ്ങൾ പ്രകാരമുള്ള പ്രായപരിധി ഇളവുകൾ ലഭിക്കും.

സ്റ്റൈപ്പൻഡ്

അപ്രന്റിസ്ഷിപ്പ് കാലയളവിൽ പ്രതിമാസം 16,650 രൂപയാണ് ലഭിക്കുക. ഇതിൽ 10,500 രൂപ ബാങ്കും 6,150 രൂപ കേന്ദ്രസർക്കാരിന്റെ വിഹിതമായും നൽകും.

അപേക്ഷാ ഫീസ്

ജനറൽ, ഇഡബ്ല്യുഎസ്, ഒബിസി വിഭാഗങ്ങളിലെ പുരുഷന്മാർ: 800 രൂപ
ജനറൽ, ഇഡബ്ല്യുഎസ്, ഒബിസി വിഭാഗങ്ങളിലെ സ്ത്രീകൾ, ട്രാൻസ്‌ജെൻഡർ അപേക്ഷകർ: 600 രൂപ
എസ്‌സി, എസ്ടി, ഭിന്നശേഷി വിഭാഗങ്ങൾ: 200 രൂപ

എങ്ങനെ അപേക്ഷിക്കാം?

താൽപര്യമുള്ളവർ നാഷനൽ അപ്രന്റിസ്ഷിപ്പ് ട്രെയിനിങ് സ്കീമിന്റെ (NATS) ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കണം.

അപേക്ഷിക്കാനുള്ള ലിങ്ക്: https://nats.education.gov.in/

ഔദ്യോഗിക വിജ്ഞാപനം: UCO Bank Apprentice Recruitment 2026–27

അപേക്ഷിക്കേണ്ട അവസാന തീയതി: ഒക്ടോബർ 29

English Summary

UCO Bank has invited applications for 530 apprentice positions under its 2026–27 recruitment drive. Graduates from recognised universities are eligible to apply, including candidates seeking opportunities in Kerala. Applicants must be between 20 and 28 years of age, subject to applicable age relaxations. Candidates must also be proficient in the local language of the state for which they apply.